Stjórn og stjórnarhættir

Stjórn

Haraldur Þórðarson

Stjórnarformaður

Haraldur I. Þórðarson er formaður stjórnar Fossa fjárfestingarbanka hf.

Haraldur hefur langa reynslu af störfum á fjármálamarkaði og er forstjóri Skaga, móðurfélags Fossa. Haraldur er einn stofnenda Fossa fjárfestingarbanka og var jafnframt forstjóri hans árin 2015 til 2023. Á árunum 2011 til 2015 gegndi hann stöðu framkvæmdastjóra markaðsviðskipta Straums fjárfestingabanka hf. og átti jafnframt sæti í framkvæmdastjórn bankans á sama tímabili. Á árunum 2007 til 2010 var hann framkvæmdastjóri fjárstýringar Exista hf. og forstöðumaður fjármögnunar hjá sama félagi frá árinu 2006. Þar áður vann Haraldur í fjárstýringu Kaupþings banka hf. á tímabilinu 2003 til 2006.

Haraldur er með B.Sc. gráðu í viðskiptafræði frá Háskólanum í Reykjavík og Global Executive MBA gráðu frá IESE Business School. Hann hefur jafnframt lokið prófi í verðbréfaviðskiptum.

Anna Baldursdóttir

Stjórnarmeðlimur

Anna Baldursdóttir er stjórnarmaður Fossa fjárfestingarbanka hf.

Anna er ráðgjafi með yfirgripsmikla reynslu í fjármálageiranum. Hún hóf feril sinn hjá Íslandsbanka og stýrði útlánateymi í London ásamt því að aðstoða slitastjórn Glitnis við umsýslu og endurheimtu erlendra lánasafna. Anna hefur starfað hjá Royal Bank of Scotland sem stjórnandi og úrskurðaraðili í verkefnum tengdum útlánastarfsemi og sölu afleiðna til lítilla og meðalstórra fyrirtækja.

Anna er hagfræðimenntuð frá Háskóla Íslands og með M.Sc. gráðu í fjármálum frá London Business School ásamt því að hafa lokið LEAD stjórnunarnámi frá Stanford háskóla.

Brynjar Þór Hreinsson

Stjórnarmeðlimur

Brynjar er stjórnarmaður Fossa fjárfestingarbanka hf.

Brynjar hefur hátt í 20 ára starfsreynslu í ábyrgðarstöðum á fjármálamarkaði innanlands og erlendis. Brynjar gegnir nú starfi framkvæmdastjóra fjármála hjá Skaga, móðurfélags Fossa. Hann hefur m.a. starfað sem fjárfestingastjóri Stapa lífeyrissjóðs, forstöðumaður sérhæfðra fjárfestinga hjá Íslenskum verðbréfum og eignastýringar hjá Straumi fjárfestingabanka. Auk reynslu af fjárfestingabanka starfsemi og á lánasviði hjá Straumi-Burðarás fjárfestingarbanka.

Brynjar Þór er með MBA gráðu frá Háskólanum í Reykjavík, próf í verðbréfaviðskiptum og BS gráðu í viðskiptafræði frá sama skóla.

Kolbeinn Arinbjarnarson

Stjórnarmeðlimur

Kolbeinn Arinbjarnarson er stjórnarmaður Fossa fjárfestingarbanka hf.

Kolbeinn starfaði í 10 ár hjá Icelandair á ýmsum sviðum og varð því næst framkvæmdastjóri Flugfélags Íslands áður en hann stofnaði sitt eigið fyrirtæki, Calidris sem þróaði tæknilausnir fyrir flugfélög. Calidris var selt til Sabre Corporation í Bandaríkjunum og starfaði Kolbeinn sem framkvæmdastjóri hjá því félagi í fjögur ár þar til hann hætti til þess að vinna sjálfstætt sem ráðgjafi og fjárfestir ásamt því að sitja í stjórnum fyrirtækja.

Kolbeinn er verkfræðimenntaður frá Háskóla Íslands og með M.Sc. gráðu frá Stanford háskóla í Bandaríkjunum.

Lilja Dóra Halldórsdóttir

Stjórnarmeðlimur

Lilja Dóra Halldórsdóttir er stjórnarmaður Fossa fjárfestingarbanka hf.

Lilja Dóra hefur góða þekkingu og reynslu af starfsemi lánastofnana, en hún var forstjóri Lykils fjármögnunar hf. frá árinu 2011 og fram yfir sölu á félaginu til nýrra eigenda árið 2020. Áður var hún aðjúnkt við viðskiptadeild Háskólans í Reykjavík og sinnti ráðgjöf við íslensk fyrirtæki og stofnanir hjá Opna Háskólanum. Þá starfaði hún við ýmis verkefni hjá Eftirlitsstofnun EFTA í Belgíu og var yfirlögfræðingur Skeljungs hf. um nokkurra ára skeið. Lilja hefur setið í stjórnum fyrirtækja, s.s. Klakka ehf. og Samskipa hf. og var höfundur bókarinnar ,,Stofnun fyrirtækja – formreglur, réttindi og skyldur“, sem Impra og Háskólinn í Reykjavík gáfu út.

Lilja er lögfræðingur frá Háskóla Íslands og fékk réttindi til málflutnings í héraði árið 1996. Hún er með MBA gráðu frá Vlerick Leuven Gent Management School og gráðu í stjórnun frá Háskólanum í Leuven i Belgiu.

Varastjórn og nefndir

Guðný Helga Herbertsdóttir

Varameðlimur í stjórn

Guðný Helga er varameðlimur í stjórn Fossa fjárfestingarbanka.

Guðný Helga er forstjóri VÍS og hefur tekið þátt þróun og stefnumótun VÍS undanfarin ár en hún hefur verið í framkvæmdastjórn félagsins síðan 2017. Hún var framkvæmdastjóri sölu og þjónustu og framkvæmdastjóri stafrænnar þróunar þar sem hún stýrði m.a. stafrænni umbreytingu félagsins.

Guðný Helga er með stjórnunargráðu (AMP) frá IESE í Barcelona á Spáni. Hún er jafnframt með meistaragráðu frá Viðskiptaháskólanum í Árósum í Danmörku og B.Sc. gráðu í viðskiptafræði frá Háskóla Íslands.

Gunnar Egill Egilsson

Varameðlimur í stjórn

Gunnar Egill Egilsson er varameðlimur í stjórn Fossa fjárfestingarbanka hf.

Gunnar Egill Egilsson er meðeigandi að Nordik lögfræðiþjónustu í Reykjavík þar sem að hann sinnir lögfræðiráðgjöf og málflutningi. Sérsvið Gunnars Egils er skatta- og félagaréttur og veitir hann smáum og stórum fyrirtækjum ráðgjöf í þeim málaflokkum. Ásamt lögmennskunni hefur Gunnar Egill sinnt gestakennslu í Háskólanum í Reykjavík og verið atkvæðamikill í félagsmálum.

Gunnar Egill er með B.A. og M.A. í lögfræði frá Háskólanum í Reykjavík.

Undirnefnd stjórnar og endurskoðun

Innan stjórnar Fossa starfar ein undirnefnd, áhættunefnd.

Áhættunefnd

Áhættunefnd Fossa sinnir ráðgjafar- og eftirlitshlutverki fyrir stjórn, m.a. vegna mótunar áhættustefnu og áhættuvilja. Nefndin hefur eftirlit með fyrirkomulagi og virkni áhættustýringar, stýringu lausafjáráhættu, útlánaáhættu, markaðsáhættu og rekstraráhættu. Nefndin starfar eftir starfsreglum áhættunefndar Fossa.