Fossar söluráðgjafi vegna skráningar Styrkás í kauphöll Íslands
Gengið hefur verið frá ráðningu Fossa fjárfestingarbanka ásamt Acro verðbréfum og Kviku banka sem söluráðgjafa í tengslum við fyrirhugaða skráningu hlutabréfa Styrkás á Aðalmarkað Nasdaq Iceland. Þá hefur Landsbankinn verið ráðinn sem umsjónaraðili. Stefnt er að skráningu félagsins á öðrum ársfjórðungi 2027.
Hlutverk söluráðgjafa er að veita ráðgjöf við kynningu og fyrirkomulag útboðs ásamt því að aðstoða við sölu hlutafjár í tengslum við skráningu félagsins í kauphöll í samvinnu við umsjónaraðila.
Um Styrkás
Styrkás hf. er rekstrarfélag stofnað árið 2022. Dótturfélög Styrkás eru Skeljungur, Klettur, Stólpi og Hreinsitækni, sem saman mynda samstæðu félagsins.
Styrkás er leiðandi þjónustufyrirtæki á fyrirtækjamarkaði með styrk til að þjónusta innviða- og atvinnuvegafjárfestingu á Íslandi. Félagið byggir á fjórum kjarnasviðum: orku og efnavöru, tækjum og búnaði, eignaumsýslu og leigustarfsemi og umhverfis-og iðnaðarþjónustu.
Tengdar fréttir
