4. maí 2020

Fossar stærstir í tilkynntum viðskiptum með skuldabréf í apríl

Fossar markaðir hf. eru leiðandi í tilkynntum viðskiptum með skuldabréf bæði í apríl og það sem af er ári.

Hlutdeild Fossa markaða í tilkynntum viðskiptum í apríl var 27,6% í skuldabréfum og 20,2% í hlutabréfum og samsvarandi 18,9% og 16,2% í öllum viðskiptum.

Það sem af er ári eru Fossar markaðir umfangsmestir í tilkynntum viðskiptum með skuldabréf með 21,6% hlutdeild, samsvarandi hlutdeild í hlutabréfum nemur 18,5%.

Heildarvelta í febrúar nam 250 milljörðum króna í skuldabréfum og 50 milljörðum króna í hlutabréfum.

Það sem af er ári nemur velta í tilkynntum viðskiptum 43,4% af heild í skuldabréfum og 65,1% í hlutabréfum.