Fossar fjárfestingarbanki hf. efnir til fyrsta víxlaútboðs félagsins á fimmtudaginn 25. ágúst næstkomandi.
Boðnir verða til sölu óskráðir víxlar í 6 mánaða flokki FOS 23 0227 með gjalddaga þann 27. febrúar 2023. Útboðið verður með hollenskri aðferð, þ.e. öll samþykkt tilboð bjóðast fjárfestum á hæstu samþykktu flötu vöxtum.
Félagið stefnir að því að taka tilboðum að fjárhæð allt að 1.000 m.kr. en áskilur sér rétt til þess að taka hvaða tilboði sem er eða hafna þeim öllum. Þá hyggst félagið verða virkur útgefandi á sex mánaða víxlum á þriggja mánaða fresti um ókomna tíð. Fyrirhugað er að gefa út fyrsta skráða víxilinn sex mánuðum frá útgáfu þess fyrsta (febrúar 2023). Samhliða því munu Fossar gefa út grunnlýsingu fyrir frekari víxla- og skuldabréfaútgáfur.
Nánari upplýsingar:
Ottó Stefán Michelsen
Fossar fjárfestingarbanki
Sími: 832-4099
Netfang: otto.michelsen@fossar.is
Matei Manolescu
Fossar fjárfestingarbanki
Sími: 522-4008
Netfang: matei.manolescu@fossar.is