Hlutafjárútboð Bláa Lónsins hf. er fyrirhugað dagana 10.–13. nóvember nk. í tengslum við umsókn um töku allra hluta félagsins til viðskipta á Aðalmarkaði Nasdaq Iceland. Um er að ræða almennt útboð á samtals 150.000.000 hlutum í Bláa Lóninu. Fossar fjárfestingarbanki hf. og Landsbankinn hf. hafa umsjón með útboðinu.
Bláa Lónið hf. býður til opins kynningarfundar í tengslum við almennt hlutafjárútboð félagsins. Fundurinn verður haldinn þriðjudaginn 10. nóvember klukkan 10:00 í Hörpu og er öllum opinn, auk þess sem honum verður streymt. Beint vefstreymi verður aðgengilegt á vefsíðu Bláa Lónsins, www.blaalonidhf.is/fjarfestar.
Nánari upplýsingar um Bláa Lónið hf., hlutabréf félagsins og skilmála útboðsins má finna í lýsingu félagsins, sem dagsett er 5. nóvember 2026, og fjárfestakynningu sem eru aðgengilegar hér að neðan:
Til að taka þátt í útboðinu ferðu inn á útboðsvef. Nauðsynlegt er að vera með vörslureikning til þess að taka þátt í útboðinu.
Kynntu þér vandlega lýsingu og fjárfestakynningu í tengslum við útboðið.
Vakin er athygli á því að fjárfesting í hlutabréfum felur í sér áhættu og má kynna sér nánar áhættuþætti vegna starfsemi og hlutabréfa Bláa Lónsins hf. í lýsingu félagsins sem staðfest hefur verið af Fjármálaeftirliti Seðlabanka Íslands. Staðfestingu Fjármálaeftirlitsins ber ekki að skilja sem stuðning við útgefandann eða þau verðbréf sem boðin eru eða tekin til viðskipta á skipulegum markaði.
Hafðu samband við Fossa fjárfestingarbanka hf. á netfangið bl@fossar.is eða í síma 522-4000.
