Breyting á skilmálum Fossa fjárfestingarbanka hf.
Við viljum vekja athygli á uppfærðum almennum viðskiptaskilmálum og viðskiptaskilmálum fjárfestingarþjónustu. Skilmálarnir hafa verið birtir á heimasíðu bankans, sem nálgast má hér. Uppfærðir skilmálar taka gildi samhliða birtingu á heimasíðu Fossa þann 19. september 2025.
Haldi viðskiptavinur áfram viðskiptum við Fossa eftir gildistöku uppfærðra skilmála telst viðskiptavinur hafa samþykkt breytingarnar. Sætti viðskiptavinur sig ekki við breytingu á skilmálum getur hann sagt upp viðskiptum sínum við bankann í samræmi við efni skilmálanna.
Helstu breytingar á skilmálunum eru eftirfarandi:
Almennir viðskiptaskilmálar
- Skilmálarnir endurspegla nú stöðu Fossa sem hluta af samstæðu Skaga hf.
- Bætt inn ákvæði um að viðskiptavinur samþykki skilmála með því að óska eftir eða nýta sér þjónustu Fossa.
- Skerpt á heimildum Fossa veiti viðskiptavinur ekki þær upplýsingar sem bankinn telur nauðsynlegar, þ.m.t. heimild til að hafna viðskiptum, frysta eða loka reikningum.
- Bætt inn ákvæðum um samskipti við Fossa og gert ráð fyrir að viðskiptavinur geti veitt heimild fyrir miðlun persónuupplýsinga innan samstæðu Skaga í markaðslegum tilgangi.
- Skerpt á heimildum Fossa til að skuldfæra reikning viðskiptavinar vegna kostnaðar, gjalda eða þóknana sem falla á viðskiptavin.
- Skerpt á ákvæðum um heimild Fossa til að kalla eftir tryggingum í lánaviðskiptum.
- Bætt inn heimild til að miðla upplýsingum um viðskiptavini í tengslum við sölu krafna á hendur viðskiptavini.
Viðskiptaskilmálar fjárfestingarþjónustu
- Skilmálarnir endurspegla nú stöðu Fossa sem hluta af samstæðu Skaga hf.
- Skerpt á ákvæðum um útvistun og heimild til miðlunar nauðsynlegra upplýsinga um viðskiptavin í tengslum við útvistaða þjónustu.
- Skerpt á ákvæði um safnskráningu.
Rétt er að hafa í huga að yfirlitið hér að framan er ekki tæmandi og sett saman í upplýsingaskyni. Ef misræmis gætir á milli yfirlitsins og þess sem fram kemur í viðkomandi skilmálum þá gilda skilmálarnir.
Hægt er að óska eftir frekari upplýsingum um framangreinda skilmála með því að senda tölvupóst á netfangið info@fossar.is.
Tengdar fréttir
